سه‌فه‌ر

هه‌موو شتێک له‌و ڕۆژه‌وه‌ ده‌ستى پێکرد که‌ خانمێکى میهره‌بان به‌ گریانه‌وه‌ به‌خۆى و دوو جانتا دیارى جوانه‌وه‌ خۆى کرد به‌ ژوورداو باوه‌شى به‌ باوکمدا کرد و تێرگریا به‌سه‌ریدا. پاش نه‌ختێک بۆمان ده‌رکه‌وت ئه‌و خانمه‌ میهره‌بانه‌ نه‌نکى ئێمه‌یه‌و له‌ وڵاَتێکى تر ئه‌ژى و بۆ پێنج ساڵ ئه‌چێت باوکمى نه‌بینیوه‌، به‌ ڕێگاى قاچاخ له‌ ئێرانه‌وه‌ هاتبوو بۆ سلێمانى.

تا گه‌یشتنه‌وه‌ت دڵم له‌سه‌ر خۆم داده‌خه‌م

کۆتاییه‌کان ته‌واو نه‌کراون
سه‌ره‌تاکان ده‌ستیان پێ نه‌کردووه‌
باخه‌کان دیمانیان کاڵه‌
ئازاره‌کان نه‌ڕواون
پێش ئه‌وه‌ی شتێک ڕووبدات،
ده‌ستت بخه‌ره‌ ده‌ستمه‌وه‌
شتێکی ماوه‌ زه‌مه‌ن بووه‌ستێ،

************

ژیان به‌ حوزنه‌وه‌ لێم ده‌ڕوانێ
ده‌نگێک له‌ دووره‌وه‌ ده‌بیستم
مناڵێک به‌لامدا
فرته‌ ده‌کاته‌ ته‌مه‌نه‌وه‌
هه‌نگاوێکم ناوه‌ له‌وه‌ی
له‌م هه‌موو شتانه‌ تێبگه‌م
تۆ وه‌ره‌و له‌ بێ تاقه‌تیمدا
جگه‌ره‌یه‌ک داگیرسێنه‌،

************

دیداری حەمە کاکەڕەش لەگەڵ ماردین ئیبراهیم

ماردین شاعیرێکی جوان و بێده‌نگ و پڕده‌نگه‌. له‌ هاوڕێیه‌تیشدا که‌سێکی باش و دڵسۆزه‌ من له‌خۆڕا ئه‌م قسانه‌ ناکه‌م شیعره‌کانی شایه‌د حاڵن بۆ شاعیری ئه‌و . بۆ ئه‌وه‌ی تریش ساڵانێکه‌ وه‌ک دوو هاوڕێ یه‌کتر ده‌ناسین له‌و په‌ڕی دوورییه‌وه‌ به‌دڵ هه‌واڵی پرسیووم. حه‌مه‌ کاکه‌ڕه‌ش

وه‌سوه‌سه‌ی مردنێكی سه‌یر

چوارده ‌كاتژمێر دوای ئه‌وه‌ی له‌به‌ر ده‌رگای مزگه‌وته‌كه‌ی مه‌لاسووره‌دا له ‌دیوی ناوه‌وه‌ی گه‌ڕه‌كی سه‌را به ‌پشتی پیكابێكی مۆدیل 1984 هێنامیانه‌وه‌، به‌ئاگا هاتمه‌وه‌. رێك ئه‌و ساته‌م له‌بیر نییه ‌چۆن چۆنی كه‌وتمه ‌پشتی ئه‌و پیكابه‌وه ‌كه ‌شۆفێره‌كه‌ی هێنده‌ به‌ نابه‌دڵیی لێی ده‌خوڕی، وه‌خت بوو له‌ لۆفه‌كانی گوندی میره‌دێدا بمخاته‌ دۆڵێكه‌وه‌و هیچ ئاسه‌وارێكی جه‌سته‌م نه‌مێنێت و بۆ هه‌تایه ‌له‌بیربچمه‌وه‌.

بەجێ نایێ، دەبێ ڕوو کەینە سارا

بەجێ نایێ، دەبێ ڕوو کەینە سارا،
حەقی ئادابی مەجنوونیی لە شارا
کە چەرخ ئەسکەندەری دیی دەردەدارە،
وتیی: ئەم هەم بووە هەمدەردی دارا
هەتا حەق ناصیرە، هەر حەقمە مەنظوور
وەکوو (مەنصوور) ئەگەر بمکەن بە دارا
نەگەیمە ئەو جوانە و گەیمە پیریی
مەدەد یا پیری پیرانی بوخارا