چبکەم، نە ئەو کەسەم کە کەسم بێ لە لا بە کەس
خۆشم نەگەیمە ئەو کەسە ئەو من بکا بە کەس

گەر ئیشی ڕۆحتە، کە نەبوو کەس بە دەستەوە
دەست ھەڵگرە لە ڕۆح و مەبە ئیلتیجا بە کەس

نا ئەھلی ئەم ئەھالییە مەعلوومی من کە بوو
شوکری خودا، خودا بەس، ئومێدم نەما بە کەس

لێوی بە پرسشی چ نەخۆشێ نەپشکواند
دەردا! طەبیبی ئێمە کە نادا دەوا بە کەس

خورشید و سایە پێکەوە نابن، دە حەقیەتی
ئەو جیلوە وەحشییە کە نەبێ ئاشنا بە کەس

ئامادە و دەرهێنان: سیروان ڕەحیم
کامێرا، دەنگ، ڕووناکی و مۆنتاژ: سامان مامەخەلانی
 
بەشی یەکەم
بەشی دووەم
بەشی سێیەم
بەشی چوارەم
بەشی پێنجەم
بەشی شەشەم

١
بۆ ئەوەی چامەیەکی شیعریی کاریگەر بنوسیت
دەبێ لە 'ئۆرۆک' ەوە بێیت .
نائومێدییت بست بە بست بپێویت ئەودەمەی لە ئەسانسێرێک دێیتە دەرێ .
لەگەڵ شاخ و ڕووباران و درەختەکانیاندا ئاشت بیتەوە .
ژێیەکانی کەمانەکەت ، هارپەکەت ، لە مووی ئەسپێ ، چێ کەیت .
دەبێ ببیتە فرۆشیاری خەون لە گوندەکان
سبەینان – سەبر – ی خۆت بزر کەیت و ئێواران بیدۆزیەوە .
لەدایکبوونی بافڵێ ، زریانێ ببینی .
ئاڵتوون وەک ڕۆشنایی ببینی و ، هیچی تر .
دەبێ ڕێزی شێتبوونی هەور و گڕکانەکان بگریت .
وەک نابینایان ، خۆت ڕابهێنیت ، چۆن لە ئاسمان دەڕوانیت .