وەڵامی پەیام

لە مەیخانە خودا! گەر ئێمە دەرچین

لە مەیخانە، خودا! گەر ئـێمە دەرچـین
بە کێ بەین ئـیلتـیـجا، بـۆ کـێـهـە دەر چـین؟!
کە ئێمە چوونـە جەنـنەتمـان بـە تـۆ دا،
لە ئـێمە لادە زاهـید! ئـێمە هەرچـین
خەت و زوڵـفی بە یەکدا دێ لـەسـەر ڕوو
مەگەر زەنگ و خەتـا شـەڕیە لەسـەر چـیـن
لە بـاوەشـما دەدا مەوج ئـەشکی حەسرەت
کەمەرتـی گرتـە بـاوەش تـا کەمەرچــیـن
ئەوەندە تەنگ و ناخۆشـە، لە دنـیا
خۆشە دەرچوون، ئەگەرچی بۆ سەقەر چین
سـەرت پـێ لازمە ، مەیـبـازە ( مەحوی )
دەبێ دولبەر کە هات ئـێـمە بە سەر چـین
مەحاڵاتە لە بەندی زوڵفی دەرچوون
چەها چـیـنـە، چەها چـیـنـە لەسـەر چـیـن

 
 
----
دەر : دەرگا
زەنگ: وڵاتی قولەڕەشەکان. خەتا: خەطا، خەتا و خوتەن لە تورکستان
کەمەرچین: پشتێن
سەقەر: دۆزەخ
مەیبازە: لە کیس خۆتی مەدە، مەیدۆڕێنە
چەها: چەندەها

وەڵام

  • ئادرێسی ئیمەیل و لاپەڕەی ویب ئۆتۆماتیکیی دەبن بە لینک.
  • بۆ گۆڕینی فۆرماتی تێکستەکەت دەتوانیت ئەم ئەم تاگانە بەکار بهێنیت a em strong cite code ul ol li dl dt dd
  • دێڕ و پەرەگراف دەپاریزرێن.

زانیاریی زیاتر دەربارەی گۆڕینی فۆرماتی تێکست