من و ناپلێون به ته‌نیا له‌شه‌ڕگه‌کان گه‌ڕاینه‌وه

- مه‌ریه‌م ئه‌ڵێت:
‌ من و ناپلێون به‌ ته‌نیا له‌ شه‌ڕگه‌کان گه‌ڕاینه‌وه‌
ڕۆژێک که‌ هه‌وا
بۆنی ترس و تاریکی لێ ئه‌هات
ده‌ریاکان به‌ ده‌می چۆله‌که‌ پیس ئه‌بوون نه‌ با سه‌گ
پاڵه‌وانه‌کان به‌ گورزی مێرووله‌ ئه‌که‌وت
شاخه‌کان به‌ ته‌په‌ی پاژنه‌کان ئه‌بوونه‌ تۆز
خوداکان وه‌ک ماشێن گه‌لێکی شکاو چۆن ڕه‌گی جاده‌ ون ئه‌کا‌ت

دڵی ژن مه‌شکێنه

ئه‌مشه‌و له‌ خه‌ونمدا ئه‌و خه‌ونه‌م بینییه‌وه‌
که‌ سێ ساڵ پێش ئێستا نه‌مبینیبوو‌


له‌ ژن مه‌ده‌
دڵی ژن مه‌شکێنه‌
نه‌ک خودا دڵی لێت عاجز بێت.

***

ژن کتێبێکه‌ په‌ڕه‌ په‌ڕه‌
به‌ په‌نجه‌ی دڵ هه‌ڵیده‌ره‌وه‌ و
به‌ چاوی رۆح بیخوێنه‌وه‌.

***

سه‌یری شه‌پۆلی ده‌ریا مه‌که‌
له‌ چاوی ژن بڕوانه‌
پڕه‌ له‌ شه‌پۆلی عه‌شق.

***

تكایە بمبەنەوە بۆ قەفەس

سەخت بوو باوەڕ بێنمەوە بەیانی بەسەر ڕۆژێكی تازەدا دێم،
شەو تاریكییەكی تر بەسەرما دێت.
ڕۆژێك، كە نەمدەزانی لەكوێی ئەم گەردووندا ونبووم
سەخت بوو باوەڕ بهێنم كە مردووم.
ڕۆژێك، كە نەمدەزانی لەكوێی ئەم جەنگەڵەدا زیندووم
من دوواهەمین فەرزەندەی جیڤارا بووم،
گەڕابوومەوە سەرزەوی.
بەوە نەبوو
ساڵەكان لێرەدا كۆتاییان بێت،
ڕۆژەكان لە هیچەوە دەستپێبكەنەوە،
وەرزەكان بەسەر خەلیقەتدا بێنەوە،
خودا بەسەر عەرشەوە بێكارو
ئەهریمەن بەسەر تەنهاییەوە بمرێت.
هاتمەوەو ڕەنگی گوڵەكانم لە ڕەنگی خۆم جیاكردەوە

ئەوە من بووم تۆم نەناسییەوە؟!

(1)
ساڵانێكە
ژیان دێت و دەڕواو
لەمدیو پەنجەرەوە
لێیدەڕوانم
ساڵەهایە ژیان
لەودیو پەنجەرەوە چاوەڕوانمە و
منیش چاوەڕوانی(ئەو)م
لە مێژە ژیان بانگم دەكاو
منیش(ئەو)
دەست دەخەمە سەر كاژێری دڵم:
ترپ، ترپ، ترپ
پێنجی دەوێ بۆ كۆتایی


ئێوارەی سه‌فه‌رێک

ئه‌مشه‌و دوورترین پیاسه‌ی ژێر بارانت كرد
تۆ كه نائومێدترین ڕۆحله‌به‌ری دونیا بووی،
به نیازی پیاسه‌یه‌كی ئه‌به‌دییه‌وە...
بێقه‌رارترین مرۆڤێك بوویت ئارامترین هه‌نگاوت ئه‌نا ،
یه‌قین نه‌بوی زەمین به‌شی گه‌ڕانی ئه‌م ئێوارە وورو ژاوەت بكا،
ئه‌ترسای ئه‌ستێرەیه‌ك  ختووكه‌ی ئه‌م هه‌ورە بارانه بداو
باران وەك ئومێدەكانت بكاته هه‌ڵم .
چ تینوویه‌كی  په‌رێشان بوو بارانه‌شه‌و
بێ په‌روا به‌سه‌ر ته‌ڕترین شیعروگۆرانی خامۆشیتا دائه‌باری و
تۆ كه ‌ته‌ڕترین ووجودی ئه‌و شه‌وە بووی ،
هێشتا له ‌جه‌سته‌یه‌كت ئه‌كرد به هه‌موو ئاگری دۆزەخا هاتبێ .

دوا ئایه‌ته‌كانی ژنه‌ پێغه‌مبه‌رێك له‌تاریكی

فه‌ره‌نسا
خودا
ئه‌ی ته‌نیاتر له‌من
ئه‌ی له‌تۆ ته‌نیاتر من
تۆ له‌ هه‌موو جێیه‌كی و ماڵت نیه‌
من له‌ هه‌موو ماڵێكم و جێم نیه‌
ئه‌ی بێگووناهتر له‌من و
ئه‌ی له‌ تۆ بێگووناهتر من
ته‌ماشا
چه‌ند به‌ یه‌كتر ده‌چێت شه‌وی شه‌هاده‌تمان
چه‌ند به‌ یه‌كتر ده‌چێت شه‌وی هه‌ڵوه‌رینمان