(ژنێك لە بەفر داگیرم دەكات) وەك نموونە

دەق: چۆمان هەردى
خوێندنه‌وه‌ی عه‌بدولموته‌لیب عه‌بدوڵڵا

"ئاشنا بوون"

لە رووناکى چراکەدا
سێبەرەکانى شێوەى ئەو
چ نوورێکیان لێدەبارێت

دنیا چییە!
جگە لە ئاشنابوونى دوو بێگانە و
بێگانەبوونى دوو ئاشنا!!

ئەى بێگانە!
سێبەرەکانى سەر شێوەت،
وشەکانت، جگەرەکەت
ئاشناییان لێدەتکێ.

بۆ لەسەر (حەسار و سەگەكانی باوكم)م دەنووسم؟

كۆتایی ساڵی2010 و سەرەتای 2011 لە بەغدا و لە نێو جەنجاڵی گۆڕانكارییەكانی ژیانم لە نێوان كەركوك و بەغدادا، لە ژوورێكی بچوكی هۆتێلێكی هەژارنشیندا بەبێ‌ ئەوەی كەس پێمبڵێ‌ كاروان كاكەسوورم خوێندەوە.

لەڕاستیدا ئەوەی وایكرد دەستبدەمە پێنووسەكەم و بنووسم لەمەڕ وەها بابەتێكەوە، لەنێو چیرۆكێكی وەهادا، خودی مانا و تەكنیك و ئەو زمانە ئەدەبییە نەبوو، كەلەنێو دەستەواژە یادگارئامێزەكانیـدا هەستی پێدەكرێت، یاخود تێكڕای ئەو وێنە ئەدەبی و ئەو سەرەتا پڕ لە نائومێدییە نەبوو كەوایكرد خەیاڵە شیعریەكانی ئەندێشەم زیاتر و زیاتر گەشەبكات، لەڕووی گوزارشت و هەڵماڵینی ئەو چەقبەستووییە لەنێو دۆنمەكانی وێژەدا بوونی هەیە، بەڵكو یەكێك لەهەرە چەمكە ناسك و شەرمنەكانی بوو كەگەر بێتوو بە وردبینییەكی زیاترەوە تەماشای نەكەین، ڕەنگە نەتوانین پەی بەو جیهانە پڕ یاداشت و پڕ بیرەوەرییە ببەین، ڕەنگبێ‌ ئەسڵەن سەرسامانە لەڕوان

ڕۆڵی هه‌یه‌جانی خه‌م له‌ داستانی منداڵاندا

مرۆڤەكان لە هەوڵی بەردەوامدان بۆ ئەوەی بگەن بە یەقین، بۆ گەیشتن بەم ئامانجەش پێویستی زۆریان بە گومان هەیە، چونكە گومان مرۆڤ دەگەیەنێتە هەقیقەت، واتا هەموو یەقینەكان زادەی گومانگەلێكی زۆرن. مرۆڤی گومانكار مرۆڤێكە خۆی لە چوارچێوەی هیچ سنوورێك و پێناسەیەكی دیاریكراودا بۆ شتەكان نابینێتەوە و هیچ هێزێك ناتوانێت بیوەستێنیت و بەردەوام دەگەڕێت.
گومان چەمكێكی فەلسەفییە و پەیوەندییەكی ڕاستەوخۆی بە بیری تاكەكانەوە هەیە و ڕێگای بیركردنەوەیەكی فەلسەفیانەیە بۆ گەیشتن بە یەقین، وتە بە ناوبانگەگەی (ڕێنیە دیكارت) كە دەڵێت: (من بیر دەكەمەوە، كەواتە من هەم) واتا من گومان دەكەم، كەواتە من هەم.