شیعریەت.. لە سینەمای "پازۆلینی"دا

پیر پاولۆ پازۆلینی Pier Paolo Pasolini ١ دەرهێنەری سینەمایی لە ئاسمانی شیعر و شانۆوە هاتۆتە خوارەوە... پازۆلینی لە بوارەكانی شیعرو رەخنە و رۆمان و هونەری تەشكیلییەوە چالاكیە ئیبداعییەكانی خۆی نواندووە. لە ژیانی منداڵی و گەنجیدا چەرمەسەری و هەژاری زۆری كێشاوە، دواتر لەگەڵ دایكی گەیشتۆتە شاری "رۆما" و لە یەكێك لە هەرێمە هەژارنشینەكان لە باڵەخانەیەكی هەژارانە نیشتەجێ‌ بووە. پاشان لە ئاسمانی هونەر و داهێنان دەركەوتووە، ئێستا كارەكانی ئەو بۆ قوتابیانی بواری ئەدەب و هونەر و سیاسەت و كۆمەڵناسی بە سەرچاوەی فەلسەفی و ئیستێتیكی دادەنرێت.