پێكەوە گرێدانی ئازارە ئینسانییەكان لە شیعری (تەم و مژ)ی (محەمەد عومەر عوسمان)دا


سۆران ئازاد - چۆمان
Soran_Darbandy@yahoo.com

شیعرەكانی (محەمەد عومەر عوسمان) هەڵگری دنیایەكی فەنتازی و پڕ لە ئازار و غەریببوونی ئینسانەكانن. من لە خوێندنەوەی دیوانە تاقانەكەی (لەغوربەتا) هەستم دەكرد ئەم شاعیرە لە قووڵایی ئازارەكاندا دەنووسێت.

ژیان له‌چاوی یه‌كتردا..

ده‌زانم هه‌ر دڵۆپه‌ بارانێك پڕیه‌تی له‌
عه‌شق
من له‌ دڵۆپه‌كانی قووڵ ده‌بمه‌وه‌
له‌وێوه‌ ڕێم ده‌كه‌وێته‌ باغێك
كه‌ په‌پووله‌ی ماچی تۆ تێیدا ده‌فڕێ‌
من عه‌شق له‌بارانه‌وه‌ فێربووم
وه‌ك ئه‌و ببارم
ئه‌وه‌ ته‌نها تۆی چه‌تر هه‌ڵناده‌یت و
لە ژێر لێزمەبارانی عەشقمدا تەڕتەڕ دەبیت و
ده‌رگای ئاسمانی بارینم ده‌كه‌یته‌وه‌،
خۆم خسته‌ ناو باوه‌شی (با)
به‌ناو هه‌موو ئاسمانێكدا فڕین
بەناو هەموو كوچەكانی ژیاندا سەفەرمان كرد