چۆن ده‌گه‌ڕایت منت ده‌دۆزییه‌وه
له لادێ
کراس‌که‌تانی که‌واسه‌وزی به‌ژنوباڵا به‌رز،
به شان و گۆزه‌وه چه‌ن جوانی ئه‌ی په‌ری سه‌ر ئه‌رز!
ئەی پشکۆی من
هەمیشە دەسووتێیت و دەسووتێیت... ئەی پشکۆی من.
لە مێژە ئاگردان کوژاوەتەوە، لە مێژە ڕاوکەرەکان لە ڕەشماڵەکانیاندا خەوتوون. لە مێژە باران دەبارێت... بەڵام تۆ هەمیشە دەسووتێیت. باڵندەکان دێن و دەفڕن و لە تاریکیدا پیر دەبن. شەونم کە دوێنێ لە دایک بووە، ئەمڕۆ دەمرێت. گیا کە چەند هەفتەیەکە هاتووە ئەمشەو دەڕوات و ناگەڕێتەوە...
هەموو مەخلوقێک کاتژمێری خۆی پێیە... تۆ نەبێت... تۆ نەبێت... ئەی پشکۆی من.
ئەو ڕێبوارەی هەمیشە دەڕوات و ناخەوێت... هات و لێرەوە تێپەڕی.
ئەو هەورەی هەموو رۆژێک دێت و سەیرمان دەکات و نابارێت... هات و ڕاگوزەر
خاكی خۆڵەمێش
بۆ هەڵەبجە ،
ئەو كۆترەی هەمیشە لە ناو خۆڵەمێشكەیدا هەڵئەفڕێ
سەدساڵ لەمەوبەر جادوگەرێك وتی
گەردەلولێك هەڵئەكا و دۆلفینی دەریاكان ئەبات بۆ بیابان
بەڵام ئەو گەردەلولە نەفرەتییە بیری ئەچێت
نە دۆلفین لە سەرابا مەلە ئەكا و
نە بیابانیش بە خوێن تینوێتی ئەشكێت
باران بوو باڵی پەپوولە ئەباری
باران بوو گەڵای درەخت ئەباری
باران بوو تەرمی مرۆڤ ئەباری
تۆ نازانیت چەند نزیکیت لە دڵمەوە !
دڵم تەنگە ، شەوانە وەرە دیدەنیم ! "
مەهدی ئیخوان سالیس
1
دوای گەڕانەوە لە سەفەر
هەموو نیشتمانم هێنایەوە بۆ پایزە غەمگینەکەی ئەدیلاید
شتێک نەبێ لەوێم جێهێشت ؛
ئەویش دڵم بوو .. دڵی پڕ بارانی خۆم !
2
بمبەخشە ئەی دڵی بێشەوق !
من جێم هێشتی تا بەر تۆفانی غەریبییم نەکەویت و
نەچیتەوە شەوەکانی نائومێدی ،
نەبیتەوە بە گومان و ئاوێنەکانم لێ پڕکەیت لە تەنیایی .
3
هه‌واری چۆڵ
ته‌مێکی سووری کاتی زه‌رده‌په‌ڕ..
ئه‌و ده‌شته چۆڵه‌ی گرتۆته باوه‌ش
ڕێبوارێکی ناو کزه‌با و زوقمم..
گوێم که‌یل بووه له گڤه‌ی باڕه‌ش
* * *
ڕۆژانێکی زوو له ده‌وری ده‌وار..
کوانوو ئه‌گڕا.. ئاگر به‌رز و گه‌ش
ئه‌و ده‌شته خۆشه‌ی جاران هه‌وار بوو..
پڕه له قیژه و قاژه‌ی قه‌له‌ڕه‌ش
* * *
داری که‌نار ڕێ.. ده‌ست و په‌نجه زه‌رد..
له‌به‌ر زریانا.. باڵا ڕووت و قووت
چاوه‌ڕێی تاوه باران و ڕێژنه‌ن..
ئاسمان تێر بگری به ئه‌شکی یاقووت
* * *
هاوارى نوقم بوون
ئەو ئێوارانەی لە باخچەكانی عومرا هەڵئەوەریت،
گوناهی من نەبوو.
عیشق لێرە بە دوای خاچەكەی خۆیدا دەگەڕێت.
ئەو سپێدانەش بە دوای لەخاچدانی خوما وێڵ بووم،
گوناهی تۆ نەبوو.
بێدار بە،
ئەی ئەوكچەی ئابڕوت بە شێعرێك دائەپۆشیت.
ئەمڕۆ ئیتر دنیا ئاخریە،
پەردەی پەنجەرەكەت لابەرە و سەیركە،
خۆر لە خۆرئاواوە هەڵهاتووە.
تۆكچی ناو خەونە قەرەباڵغەكانی شار و
میوانی تەنیاییە غەریبیەكەی من بوویت،
من لە سپێدەیەكی ناكامدا،
كە پاساریەكان بەسەر پەژارەی عیشقێكدا ئەخوێنن،
گوڵ و بادەم بۆ چییە؟!
وڕێنە *
دڵم هه‌ر ئه‌و دڵه‌ی جارانه ئێستاکه‌ش ئه‌ناڵێنێ
هه‌ناسه‌ی ساردی ناکامی له سینه‌مدا ئه‌تاسێنێ
ئه‌گه‌ر جوانیت سه‌رنجم ڕابکێشێ، مه‌گره لێم چونکه
جه‌ماڵت په‌یکه‌ری ڤینۆسی خوای جوانیش ئه‌جوڵێنێ