...

ئەی نامۆکان!
ئێمە لە تەختەی سەر ئاوی 'ئاموون' ئەچین
نوقم نابین و نایشخنکێین!
بەڵام مشاری شەپۆل و ئەم بڕبەندی کەنارانە
هێدی.. هێدی وردمان ئەکەن
ئەماندەنە دەس تاریکیی 'ئۆقیانووس' و 
تیا ون ئەبین
...
...
ئەی ڕۆحی وێڵ!
تەنگە بە بەری عەشقی تۆ ئەم نەخشانە
نزمە بۆ فڕینی سەرت ئەم ئاسمانە.
...
...
ماڵێکم هەیە تەنیاییم بەشی ناکات
...
...
کرمی ئاوریشمە خەیاڵم، بۆ سەرووی ئەو قامەتت
من کە قۆزاخەی خەمێکم، دەوری داوم چاوەکەت
ئیشتیاقم: بەحری تینوو، هیجرەتم: سەحرا بە کۆڵ
ڕۆحی نالیی هەنگی عیشقە و شانەکەیشی ناوەکەت!
...
...

 
 
------
نووسینەوەی 'ماڵێک لە ئاسمان'