خودایە بمپارێزە
دوورمخەرەوە لە عیشق
مەمخەرە ڕێی تووانەوە
ڕووناکی فرمێسکەکانم بپارێزە
با جارێکیتر بە ناهەق، نەکەونە باوەشی سۆزانییەکەوە
![](http://www.hemin.dk/files/images/tp.gif)
خودایە
گەرووم بە لەرزەی عیشق مەگرە
دڵم بە زەبری سۆز سست مەکە
عەقڵم مەبەستە بە گرێکوێرەکانی عیشقەوە
![](http://www.hemin.dk/files/images/tp.gif)
خودایە
لە باشیی دڵم وەرگرە و بیخەرە سەر توندبوونەوەم
لە سۆزی ڕۆحم هەڵگرە و بیخەرە سەر بازووی دەستم
هەرچیم لێ دەکەی قبوڵمە
تەنها عاشقم مەکە
![](http://www.hemin.dk/files/images/tp.gif)
ئەی هێزەکانی سروشت
ئەی پەنهانییەکانی گەردوون
ئەی ئەفسوون و ئەی ڕێکەوت و ئەی موعجیزەکانی دونیا
بمپارێزن
دوورمخەنەوە لە عیشق
ئایاری ٢٠١٣