لە سایتی سپی نیوزدا ئەم ناونیشانە دەبینرێ:" تالەبانی بەناو شاری بەرلێندا گەڕاوە". لە ماڵپەڕی کوردستانی نوێدا، ڕۆژانە ئەم ناونیشانە دەخوێنرێتەوە:" مام سڵاوی هەیە". لە هەر کوێیەکی سایتە کوردیەکاندا هەواڵێک سەبارەت بە تاڵەبانی هەبێت، شێوازێکی تایبەتی پەیامگەیاندن ئامادەیی هەیە: دەربڕین بە زمانی کەسی سێیەمی تاک. المبنی للمجهول بە زمانی عەرەبی. بە کورتییەکەی بکەر دیار نییە. ئەم رستە خەبەرییە کە کێ تاڵەبانی بینیوە، بە نادیاری دەهێڵرێتەوە. بە کورتییەکەی، کەسێك تاڵەبانی بینیوە کە بە ناو شاری بەرلیندا گەراوە. مام لە رێگای کەسێکی تروە سڵاو دەنێرێ.

بە چاوان غەمزە و ئیما مەفەرموو   بە قەتڵی عاشقی شەیدا مەفەرموو

کە من کوشتەی جەمالی تۆم عەزیزم،   لە باغی جەنەتلمەئوا مەفەرموو

ئەتۆ موو سونبوڵ و ڕوو ئافتابی   لە حوسنی تەڵعەتی لەیلا مەفەرموو

دەڵێن: فەرمووتە بمکوژێ بە ناحەق   کە تۆ سوڵتانی حوسنی وا مەفەرموو

دوو چاوم، دوور لە تۆ، تۆفانی خوێنە   لە مەوج و جۆششی دەریا مەفەرموو

دەمت وا بێنە، قیبلەم، تۆی تەبیبم   بە تەشریفی دەمی عیسا مەفەرموو

سـەرابسـتان خـەرابـسـتانـە ئـیمـڕۆ   بەهاری عەیشی مە زستانە ئیمڕۆ

بــە زەردی پـاییـزی ڕەنـگــم دیارە   بە خاڵی ڕووتە تابووستانە ئیمڕۆ

ژیـانـی عـومـرەکـەم بـێ تـۆ زیانـە   گوڵستان بۆم بە خارستانە ئیمڕۆ

تەواوی زیندەگانیت بێ وجوودت   سەراپا وەک قومارسـتانە ئیمڕۆ

کەنارستانی عیشقت بۆ تەجەممول   ئەوێسـتا نەوعـی شارسـتانە ئیمڕۆ

هەتاوی خاکی گەرمێنت بە من چی؟!   لە بۆ من هەر وەکو کوێسـتاتە ئیمڕۆ

گوڵی من بێ نەزیرە، تۆ تەماشـــا   ویـلایەت پاکی باغســتانە ئیمــــڕۆ

{ ئەو بابەتەی كە كردوومانەتە كوردی بریتییە لە پێشەكییەكی 'دانیاڵ لادنسكی' و دوو نموونەی شیعری و چەند بەشێكی ئەو بابەتەی كە 'هنری س.میندلین' لە كۆتایی دیوانی ( گوێم لە قاقای یەزدان بوو 'Heard God Laughing') ی حافزی شیرازیدا سەبارەت بە ژیانی بڵاوی كردۆتەوە. ڕەنگە بكەوینە هەڵەوە ئەگەر بڵێین 'دانیاڵ لادنسكی' وەرگێڕی دیوانەكەیە، چونكە هەروەك خۆی لە پێشەكی دیوانەكەدا ئاماژەی بۆ دەكات: شیعرەكانی حافزی لە ئینگلیزییەوە كردۆتە ئینگلیزی. هەر بۆیە دەشێت بڵێین دایڕشتۆتەوە.

ئامادەکردنی: شاڵاو حەبیبە
 

سیگارێک ده­س له ملانی دوو قامکم
سیگارێک نازانێ سیگاری نیم!
سیگارێک ده­س له ملانی دوو قامکم
خیابان هه­روا چۆڵ
- هه­روا یانی زۆر چت! -
هه­نگاو هه­ڵئه­گرم
هه­رچه­ن قورسه
ڕه­نگه تووشی دیسکی که­مه­ر بم
- دیسک یانی زۆر چت! -
سیگارێک ده­س له ملانی دوو قامکم
سیگارێک چاوه­ڕوانی لێوی ڕه­شه
لێوێک که­مڕه­نگتر له ماتیک
گومان ئه­کێشێ!
خیابان که چۆڵ بوو
- هه­روا -
سوورتر تێکه­ڵی ئه­بم!
هه­نگاو که قورس بوو،
هه­ڵمگرت!

پێش ئه­وه­ی بگه­مه نازانم کوێی خیابان

ئا: ئیدریس عەلی
 
ئیدریس عەلی: با لە وتەیەكی "پیتەر سڵۆتەر دایك"ەوە دەست پێبكەین كە دەڵێت: "من لەژێر ئاسمانێكی تردا دەنووسم"، ئەمە لای ئێوە چی دەگەیەنێت؟!
 
یوسف عیزەدین: ئەم گوتەیە پێچەوانەی یەكێك لەتەسەوورە كۆنەكانی مرۆڤە كە لەسەردەمانێكدا ڕەنگە پێی وابووبێت، ئاسمان گومەزێكە بەسەر ئەو پانتاییە جوگرافییەوە كەتێیدا دەگوزەرێت. ڕاشكاوانە ئەم تەسەوورە كاریگەری بەسەر كایە فیكری و مەعریفییەكاندا هەبووە، هەروەك چۆن شوێن پەنجەی خۆشی لەبیناسازییدا جێهێشتووە، هەر بۆ نموونە دەكرێت گومەزی قەیسەرییە دێرینەكان، وەك دەرئەنجامێكی ئەم تەرزە تێڕوانینە ببینینەوە.