دڵم خۆشە لە ژوورەکەی منیت
خۆت نا،
وێنەکانت!
![](http://www.hemin.dk/files/images/tp.gif)
لە هەموو تەماشاکردنی وێنەکانت
پاش چەند رۆژێک،
چاوەکانم شوێنی خۆیان نادۆزنەوە!
![](http://www.hemin.dk/files/images/tp.gif)
وێنەیەکم بگرە، ئازیز
خۆتت بیر نەچێت با دەرچیت
وێنەیەکم بگرە،
با ئازارەکانم دەربچێت
نەوەک خۆم نەناسمەوە و
وێنەیەکی بێ مانا بێت
![](http://www.hemin.dk/files/images/tp.gif)
کەسێک بە دوای خۆشبەختییدا
بەسەر شکست و تەرمی مندا تێپەر دەبێت
دەیدۆزێتەوە،
من بەسەر ئاوەدانیی کەسێکدا دەرۆم
کۆڵان و پەنچەرەکان، شەقامە ڕەنگاورەنگەکانی دەبینم
کەچی لە تەنیایی و بیَئومێدی و ڕەشبینیيدا ون دەبم !
![](http://www.hemin.dk/files/images/tp.gif)
شوێنێک نییە بۆ خۆحەشاردان لە ژیان
شوێنێک نییە مرۆڤی تێدا ببینیت،
شوێنێک نییە شوێنی ڕاستەقینە بێت
کاتیَک نییە کاتی ڕاستەقینە بێت
![](http://www.hemin.dk/files/images/tp.gif)
ئیشێکی تازەم دۆزیوەتەوە
تەنیایی!
سەرقاڵی خوێندنەوەی کتێبێکی نوێم
تەنیایی!
ڕۆژێکی نوێم دۆزیوەتە لەهەفتەدا
کاتژمێرەکانی لەکاتژمێری ئێستا ناچێت
تەنیایی!
کەسێک لێرەوە تێپەری من نەمبینیی!
کەسێک لێرەوە تێنەپەری من بینیتم
![](http://www.hemin.dk/files/images/tp.gif)
من لە هەموو سەرکەوتنێکمدا
بە شکستەوە گەراومەتەوە،
لە هەموو هەستانەوەیەکمدا
خاپوور و پارچە بووم،
لە فرینیشدا هەمیشە وەک خشۆکەکان
بەسەر زەویدا ڕۆشتووم
![](http://www.hemin.dk/files/images/tp.gif)
هێندە درز لە جەستەمدا درووست بووە،
هەر کەس دەستی بەر من کەوێت
بە سانایی دەتوانێت
دڵم بهێنێتە دەرێ
هەر وەک چاوم!
![](http://www.hemin.dk/files/images/tp.gif)
چ ڕۆژانێکی تاریکە
قاوەی تاڵ دەکێشم،
سیگاری ڕەش هەڵدەقورێنم،
تێزاب دەنۆشم،
با دونیا ژێرەوژوور بێت
وادەم تۆ هەیت
بوونی تۆ ئاوەدانییە بۆ من
کە بەتەنیا
بیرت لێ بکەمەوە
ئاپریلی 2011