کتێبى شیعرییەتى عەرەبى کەوتە کتێبخانەى کوردییەوە

عەبدولموتەڵیب عەبدوڵڵا کردووییە بە کوردى و پەراوێزى بۆ نووسیوە
 
ئیف بۆنفوا دەڵێ: ئەو چوار لێکچەرەى کە ئەو کتێبەى لێپێکهاتووە، لە ئایارى 1984 لە کۆلیژى (دو فرانس)ى فەرنسا، لەسەر بانگهێشتنى کۆمەڵێک مامۆستا، پێشکەش کراوە.
من لەو چەند دێرەدا جگە لە بەخێرهاتن و سوپاس کردن، نامەوێ راڤەى ئەو لاپەڕانە بکەم کە دواتر دێن. خوێنەر لەو پێشەکییە نوێیە لەبارەى شیعرییەت خستنەڕووێکى زۆر ئاشکراى فیکر و رووداوەکان دەبینێ، کە جگە لە شتێکى کەم، هیچى دیکەى لەبارەوە نەدەزانى. من لەو بارەوە زۆرى لێفێربووم، کە ناتوانم شتێکى دیکەى بخەمە سەر.

با دێ

(1)
هەموو تەمەنم با بردی
بۆ تاریكی
من مامەوە.
(2)
بەیانیان منداڵەكەم یاری بە قژم دەكا
من دایكم لە خەو دەبینم
وەك كوێر لە بازاڕ
بەدوامدا دەگەڕێ‌.
(3)
دنیا ئەوەندە گەرمە
لە دڵی خۆت دەڵێی
بروخێ‌ با.

وێنەی دەریا بە دەنووكی باران

(1)
چاوم بەلقی بارانە هەڵواسراوە
ئەوەی ڕوودەدات هەرچی بێت
بەر خاك دەكەوێ‌ وەكو ئاو
شین هەڵدەگەڕێ‌ وەك دەریا.
(2)
دەریا شین شین
بە دنیا پێدەكەنی
بەر لەوەی مرۆڤ ببارێ‌.
(3)
قژت تنۆك تنۆك دەكەوێتە سەر بێدەنگی چاوم
لەشكری باران ناز دەكا
بەردەبێتەوە نێو دەریا.