Notice: PDO::__construct(): Setting mysql connection to use "hemin.dk.mysql.service.one.com" in /customers/2/7/1/hemin.dk/httpd.www/mla/core/modules/mysql/src/Driver/Database/mysql/Connection.php on line 189 هیوا قادر | ماڵێک لە ئاسمان

منداڵانی گه‌ڕه‌ک

من له‌ کۆڵانێکدا له‌دایکبووم
باخه‌کانی پڕبوون له‌ گوڵی سپی، له‌ په‌پووله‌ی سوور.
کۆڵانێک ئاگری ژیان تیایدا شین شین بوو،
گه‌ڕه‌ک وه‌ک مه‌نجه‌ڵێک گه‌نمه‌شامی
پڕبوو له‌ هه‌ڵبه‌زودابه‌ز و
تریقه‌تریقی
منداڵانی به‌روانکه‌سپی.

په‌نجه‌ره‌کانی کۆڵانی ئێمه‌
هێنده‌ شین بوون،
به‌شێکبوون له‌ ئاسمان،
ده‌رگاکان هێنده‌ سه‌وز بوون
به‌ ته‌قولبابێک به‌هار ئه‌هات به‌ره‌وپیرت.

پاسه‌ سووره‌که‌

ناو پاسه‌که‌ی نێوان سکانسن و سه‌نته‌ری شاری ستۆکهۆڵم
ئاسمانه‌که‌ شین بوو
زه‌ویش سه‌وز
تۆ پاڵت به‌دره‌ختێکه‌وه‌ دابوو
که‌گوڵی سپی دایپۆشیبوو،
من خۆم له‌ چاوی تۆدا ئه‌بینی
به‌ڵام من له‌وێ نه‌بووم.

*

تۆ شه‌وێک به‌ته‌نها
له‌سه‌ر کورسی باخچه‌که‌
دانیشتبوویت،
چاوه‌ڕێی ئه‌وه‌ت ئه‌کرد
من له‌سه‌ر مانگه‌وه‌
ده‌ستێکت بۆ هه‌ڵبڕم.

*

تۆ زۆر ته‌نهایت
منیش هه‌میشه‌وام.

*

Subscribe to هیوا قادر