مەلا عەلی، شاعیری مەرگ و عەشق...

هەستكردن بەنزیكی مردن هەستێكی ترسێنەر و سەیرو خەفەتئامێزە، بۆ مرۆڤی سادە ئەوانەی كە ژیانیان خۆشدەوێ و بەتوندی باوەشیان كردووە بە ژیاندا هیچ شتێك لەوە قورستر و ترسناكتر نییە كە پێی بڵێن مردن هات...مردن ئەو ناوەی لەناخەوە هەموومان رادەچەڵكێنێت و بەهەزارەها شێوە لەخەیاڵماندا خۆی نمایش دەكات.
بۆ مرۆڤە ئاساییەكان ئەوانەی ژیانیان دەقی گرتوە بە شتە دووبارەبووەكانەوە ساتەوەختی مردن ساتەوەختی ڕوخانی دونیایە، ساتەوەختی لەدەستدانی خۆشییەكان و گلۆربوونەوەیە بەرەو دۆڵە قووڵەكانی نائومێدی و جێهێشتنی ئەوانەیە كەخۆشیان دەوێ و ئەوانەش كە ئەمانیان خۆشدەوێت.

سەعیدی گوڵفرۆش

ڕێك لەكات و ساتی خۆیدا بێ ئەوەی تەنانەت یەك چركەش دوا بكەوم، بێ ئەوەی تەنانەت یەك چركەش بەڵێنەكەی خۆم نەبەمە سەر پێتان گەشتمەوە. ئەمە هەرچەندە خوویەكی سەیرە بەڵام چەند ساڵێكە وازم لێ ناهێنێت و دەبێت لە كات و ساتی خۆیدا ئەنجامی بدەم، رەنگە ئێوە ئەمە چەندەمین جار بێت گوێتان لەم قسە قۆڕانەی من گرتبێت، گوێتان لێ بووبێت و تێرتێر بەدەم ئاسكرێم خواردنی ئەم هاوینەوە پێكەنیبێتن، بەڵام من هەمیشە باكم نییە و شەرم داینەگرتووم و جارێكی دیكە بۆ ئەوانەی تازە گوێیان لێمە خۆمتان پێدەناسێنمەوە.

وه‌سوه‌سه‌ی مردنێكی سه‌یر

چوارده ‌كاتژمێر دوای ئه‌وه‌ی له‌به‌ر ده‌رگای مزگه‌وته‌كه‌ی مه‌لاسووره‌دا له ‌دیوی ناوه‌وه‌ی گه‌ڕه‌كی سه‌را به ‌پشتی پیكابێكی مۆدیل 1984 هێنامیانه‌وه‌، به‌ئاگا هاتمه‌وه‌. رێك ئه‌و ساته‌م له‌بیر نییه ‌چۆن چۆنی كه‌وتمه ‌پشتی ئه‌و پیكابه‌وه ‌كه ‌شۆفێره‌كه‌ی هێنده‌ به‌ نابه‌دڵیی لێی ده‌خوڕی، وه‌خت بوو له‌ لۆفه‌كانی گوندی میره‌دێدا بمخاته‌ دۆڵێكه‌وه‌و هیچ ئاسه‌وارێكی جه‌سته‌م نه‌مێنێت و بۆ هه‌تایه ‌له‌بیربچمه‌وه‌.

لەو دڵەی مارییا بۆ هەمووان!

هەموو جارێك ترسێكی گەورەم هەبووە لەوەی بتوانم خوێندنەوەیەك بۆ ڕۆمانێك بكەم و نەتوانم مافی خۆی بدەمێ، قسەكردن لەسەر ڕۆمانێك دەبێت هێندە ورد بێت كە كاتێكی زۆر بۆ لێكۆڵینەوەی تەرخان بكەیت و دواتر بەدرێژی لەسەری بدوێیت.
چەندین ڕۆمان هەبووە خۆشمویستوون و هیواداربووم لەسەری بنووسم بەڵام وەك لە سەرەتاوە ئاماژەم بۆ كرد هەمیشە هەمان ترسی سەرەوە رێگای لێ گرتووم و لە بری خستنە سەر كاغەز لە قوڵاییەكانی دڵما بۆ هەمیشە هێشتومەتەوە.