بازبدە بۆ ناوەڕۆکی سەرەکی
دڵ ده‌ڵێ سه‌یری چــه‌مه‌ن خـۆشـه جـه‌وابی نـاده‌م
مــودده‌تێـکـه لــه قـه‌فــه‌سدایـــه، عــه‌ذابی نـاده‌م
مه‌جلیسێکی چه‌مه‌ن و بولبول و به‌زمی گـوڵ و موڵ
به دووصـه‌د مـــه‌دره‌سه و ده‌رس و کیتابـی نـــــاده‌م
گوتـم: ئــه‌ی مــاهـ، دڵــی من به دڵی خــۆت بــکڕە!
گوتی: من به‌ردی بــه قیمه‌ت به کــه‌بــابــی نــاده‌م
گۆشه‌گیرم لــه بـــــرۆت و، موته‌وه‌ححیش له موژه‌ت
ڕۆحـــی شیرینم ئـــه‌بـــه‌ر شیر و قــولابـی نـــاده‌م
طـه‌ڵـــه‌بــی سینه‌یی چـــاکم مــه‌کـه بـــه‌و چـــاوانه
سینه‌کـــه‌م چــــاکه به ئینسانی خــــه‌رابی نــاده‌م
(( نالیـــا )) ئەم غەزەلەت تازە بە تازە وتووە
بە دووصەد ( مەثنەوی ) و ( لوببی لوباب )ی نادەم
