لە ناکەس کارییا، خاکم بەسەر، ڕۆیی بە با عومرم

لە ناکەس کارییا، خاکم بەسەر، ڕۆیی بە با عومرم
خودا! تۆ بمژیێنە تا لەبەر قاپیی کەسێ دەمرم

 

بە ضایع چوو لە (ما لا یعنی)یا وەقتم هەموو، یەعنی
دەبێ وەقتێ لە (بوالوقت)ێ بخوازم دا تیا بمرم

 

ئەجەل دەورم دەدا: حاضر بە، وادەی دەور و تەسلیمە
منی غەفڵتزەدە هێشتا خەریکی مەسئەلەی دەورم

 

خەیاڵی پووچی دنیا وا دەماغ و دڵمی پێچاوە
قیامەت، هەر مەگەر ڕۆژی قیامەت بێتەوە فکرم

 

لە پێ کەوتووم و نەفسم بۆ هەوا دەشنێ وەکو منداڵ
لەبەر پیریی سەرم خۆی ناگرێت و، تازە پێ دەگرم

 

خودایە کوفر ناڵێم

شیعری: دکتۆر عەلی شەریعەتی
وەرگێڕانی لە فارسییەوە: عومەر سەیدە
پەرێشانم
تۆ چیت دەوێت لە ڕۆحم؟!
منت بەبێ ویستی خۆم دیلی ژیان کرد
ئەی خوداوەند
ئەگەر رۆژێک لە عەرشەکەت بێیتە خوارێ
بەرگی هەژاری بپۆشیت
غرورت بۆ تیکە نانێک
‌بخەیتە ژێر پێی نامەردانەوە و
شەو لەسەرخۆ و ماندوو
دەست بەتاڵ و زوبان بەستراو
بەرە و ماڵ بگەڕێتەوە
کوفر بە زەوی و ئاسمان دەڵێیت
دەیڵێیت؟!
ئەی خوداوەند
ئەگەر لە ڕۆژی گەرمی هاویندا
لەشت بدەیتە بەر سێبەری دیوار
لێوت بخەیتە سەر کاسەی مسی رەش هەڵگەڕاو و

لە كڵۆڵی ئەم حەرفە شێتەیە زەمەن دەوەستێ‌

پێشكەش بەڕوحی سەردەشت و سۆران
حاجیاوا - 18/5/2010
Jabarazez81@yahoo.com
تۆ كە غەریبترین مەخلوقی خشۆكی
هەنگاوت نییە بەسەر زەویدا ڕێ‌ بكەی
كوا حەقی ئەوەت هەیە عەشقی هەتاو بیت ؟
كوا حەقی ئەوەت هەیە لە خزمانی باران بیت ؟
كوا ئازیزم چڵوچێوی ئەم بەندەرە دۆستایەتی ئێمەی پێوەیە ؟
تۆ كەمیدالی موقەدەست بە سنگتدا هەلنەواسیوە
بۆ دەتەوێت تەعبیری بروسكە بكەی
تۆ كە خشۆكی ژێر زەمینێكی شێداری

لەچکەکەی خەیاڵ

لەچكەكەی خەیاڵ تازەترین ڕۆمانی عەلی پێنجوێنی یە

خەیاڵ ئەو كچەیە، كە بە لەچكەكەی ناو حەرەمسەراكانی شێخی شەوناس خۆی ئەخنكێنێ‌.
تەنیایی كە دەگاتە ئاستێكی ترسناك ئیدی وا لە مرۆڤ دەكات لە هێڵەكانی گفتوگۆكردن بترازێت‌و قسەكردنی لە بیربچێتەوە، بەشێكی سەرەكی ئەم ڕۆمانە پرۆسەی بە حیكایەتبوونی خەیاڵ‌و چەند كارەكتەرێكی ترە، بە ئەندازەیەك پرۆسەی حیكایەتبوون وەك ئافات بەسەر زەمێنی ڕۆكەدا بڵاو دەبێتەوە.
مەرگ لەم ڕۆمانەدا، لە ترۆپكی تراژیدیادا خۆی نمایش دەكات.

کۆڕێک بۆ 'به‌ختیار عه‌لی' له‌ یۆتۆبۆری

ناوەندی کولتوور و خوێندنی کوردی لە شاری یۆتۆبۆری بە هاوکاری ABF، لە شاری یۆتۆبۆری. بەمەبەستی سازدانی ئێوارە کۆڕێک میوانداری 'بەختیار عەلی' دەکات.
ناونیشانی کۆڕ:
«سنوورەکانی ئەقڵ... بەرەو پێناسەیەکی دیکە بۆ ئەقڵ لە ڕۆشنبیری ئێمەدا».

کات: سەعات 4 ی پاشنیوەڕۆ لە ڕۆژی 29 ی مایسی 2010
شوێن:
Folkets Hus Järntorget
Olof Palmes plats

ژیان لەوێیە .. لای تۆ

گوێم لە هاتنەکانتە بەحەسرەت گفتوگۆیەک
گوێم لە هەناسەکانتە بە ئیشتیاقی ماچێک ..
تاساو و ماندوو
گریاو و بێزار ..
پەیتا پەیتا هەنگاو دەنێی بۆ لای من
ناگەیتە لام ..
دەگەڕێیت بۆ ساتێک دیدارم
دیار نیم لە هیچ شوێنێک ..
تۆ نازانی من لێرەم
هەناسەیەک لەولای تۆوە لە گریان رادەمێنم
تۆ نامبینی ؟!!
لە تەنیشت ماڵی خەیاڵەکانت دانیشتووم
بیر لە خۆکوشتنی پەپولەکان دەکەمەوە وەرزی بەهار
بیر لە تەریکبوونی نەورەسەکان دەکەمەوە وەرزی عاشقبوون
بیر لە دار سنەوبەرێک دەکەمەوە وەرزی شێتی
بیر لە تۆ دەکەمەوە وەرزی غوربەتیی ..

له‌ پرسه‌ی زه‌ماوه‌ندێکی خوێناویدا

جه‌نابی سه‌رۆك: ده‌کرێ سه‌رده‌شتێکی دیکه‌ وه‌ک کوڕی خۆتان قبوڵکه‌ن؟

سه‌رده‌شت عوسمان به‌ چه‌ند وتارێکی کورته‌وه‌‌ خۆی له‌ مێژووی ئازادی ڕاده‌ربڕیندا وه‌ک ئه‌ستێره‌یه‌کی دره‌خشاوه‌ نه‌خشاند. که‌م که‌س ‌ شانسی ئه‌وه‌ی بۆ هه‌ڵده‌که‌وێت به‌ که‌مترین به‌رهه‌م، هێنده‌ خوێنه‌ر بۆ خۆی په‌یدا بکات و ببێته‌ خۆشه‌ویستی زۆرینه‌ی کۆمه‌ڵانی خه‌ڵکی کوردستان.