ساقی، ئەی مایەی طەرەب لەب، پەرچەمت ڕەیحانی ڕووح

ساقی، ئەی مایەی طەرەب لەب، پەرچەمت ڕەیحانی ڕووح
نیم خەندێ کە لە غونچە، دەرخە سەرچاوەی صەبووح
پرسشێ کا حاڵی زاری ئێمە، زاری کردەوە
لەو ددانانە کە دەدرەوشایەوە نەجمی فوتووح
لێوی دەرخست و بە ناصیح لێوەلەرزەی خست ئەگەر
بێ تەبەسسوم کا دەبێتە ئافەتی تەوبەی نەصووح
بێ‌منەت ڕزقێکە غەم، بمرم لە برسان، ئەو دەخۆم
تەفرە ناخۆم و طەڵەب ناکەم لە دنیا قووتی ڕووح
(الحذر) 'مەحوی' لە نەوحەی بێگوناھان (الحذر)
ئاوی چاوی بوو جیھانی دا بە قڕ طۆفانی نووح