گەمەكان

با گەمە بە درەخت دەكات
درەخت بە گەڵا
گەڵا بەزەوی
زەوی بە رۆحی من
رۆحی من بە ژیان


ئاسمان گەمە بە ئەستێرە دەكات
ئەستێرە بەچاوی تۆ
چاوی تۆ بە من
من بەمەرگ
مەرگ بە جوانی


سێ دەقی وەرگێڕڕاو

چ کەسێ غەمگین ترە؟
پوریا گل محمدی
چ کەسێ غەمگین ترە؟
ئەوەی کە ئەڕوات
ئەوەی کە جێ ئەمێنێت
کەس لە دڵی کەس خەبەرێکی نییە


هیچ مرۆڤێک کامڵ نییە
هیچ پیاوێک ناتوانێ تەنها باش بێت
هیچ شاعیرێ تەنها عاشقی ژنەکەی نییە
ئەڵێن
ئەو دەورانە گوزەشت کە تەنها ژنەکان مەعشوق بن
ئایا ژنێک هەیە کە منی خۆش بوێت


كورتە شیعر

1
ئەی میهرەبانترین دەروێشی عیشق
لەم تەنهاییەدا بە مەغریبم بسپێرە، ئەی میهری یاد
تا ئەم میحنەتە وەستا بێت
دەستەكانمان ئەژنۆكانمان جێناهێڵن
بەختیاریی لە باخی موحیبەتدا
گوڵێكی ڕەشە ساڵانە لە ڕۆحماندا ئەڕوێ ‌و
بەدیار حەوزی ئەو ماسیە زەلیلانەوە
لە ژوورەكانامان بۆ جوانی دروستمان كردوون
گۆرانی بۆ ئازادی ئەڵێین!


پەنجەكانم دەمگرێنن


ئێستا ماڵەكەم
لای نزیك ماڵی (با)وەیە،
هەموو بەیانییەك لەحەوشەكەی خۆیەوە
پرچی شۆڕەبییەكان دادەهێنێ‌،
كە ئەزانێت لە بەرامبەری وەستاوم
شەرمنییەك دایدەگرێت‌و
پەنجەكانی لە شنینەوە دەكەون.

************

سێ هونەرمەندی کورد لە پێشانگا و ۆرکشۆپی هونەرمەندانی ئاسیا و سکاندیناڤیادا

ئەم پڕۆژەیە (34) هونەرمەند بەشداری تیادا دەكات وە ئەم ساڵ سێ هونەرمەندی كورد بەشدارن
ئەوانیش هونەرمەندان:
ئاشنا ئەحمەد لە وڵاتی سوید
یادگار عەلی خەیات لە بەریتانیا
مەریوان جەلال لە بەریتانیا
زانیاریی زیاتر

وه‌ک ئاو

Juli 2010
ستۆكهۆڵم
www.baran.nu

ئای خوایه‌ دڵم چه‌ند خۆشه‌، ئۆی دنیا چه‌ند بچووکه‌، سوێند به‌ (ئاو) ئه‌گه‌ر گه‌ردوون مه‌یلی بێت، گۆی زه‌وی له‌ قه‌باره‌ی تۆپێکی تێنسدا، له‌سه‌ر به‌ری ده‌ستت ده‌خولێنێته‌وه‌!
ئازیزی من، هێژام، مامۆستا گیان ببه‌خشه‌ که‌ نازانم چۆن بانگت ده‌که‌م و چیت بۆ ده‌نووسم، تایبه‌ت له‌ کاتێکدا که‌ تۆ هێشتا نازانیت من کێم به‌ڵام من باش به‌ تۆ ئاشنام و زۆرم هه‌یه‌ که‌ بۆت بگێڕمه‌وه‌. به‌ڵێنبێت هه‌موو شتێکت پێ ده‌ڵێم. به‌ر له‌وه‌ش سوپاسگوزاریی زۆرم بۆ (فه‌یسبووک) ده‌نێرم که‌ تا به‌ر ده‌رگای ماڵه‌که‌تی هێنام.